12 aprel 2012 15:14
Elxan Abdullayev favoritlərini açıqladı
AZAL-ın sabiq baş məşqçisi Elxan Abdullayev Premyer Liqanın iddialı klublarının şanslarını dəyərləndirib. Azerisport.az saytına müsahibəsində o, bunları dilə gətirib:
“Neftçi” hazırda əsas izləyicisi “Xəzər Lənkəran”dan altı xal öndədi. Amma qarşıda hələ beş tur qaldığını nəzərə alsaq, mən bu fərqin o qədər də böyük olmadığını düşünürəm. Misal üçün, İspaniya çempionatında “Real” da “Barcelona”dan 10 xal öndəydi. Amma hazırda bu fərq dördə enib. Odu ki, hələ qalibi indidən proqnozlaşdırmaq tezdi”.
“Neftçi” hazırda əsas izləyicisi “Xəzər Lənkəran”dan altı xal öndədi. Amma qarşıda hələ beş tur qaldığını nəzərə alsaq, mən bu fərqin o qədər də böyük olmadığını düşünürəm. Misal üçün, İspaniya çempionatında “Real” da “Barcelona”dan 10 xal öndəydi. Amma hazırda bu fərq dördə enib. Odu ki, hələ qalibi indidən proqnozlaşdırmaq tezdi”.
Abdullayev avrokuboklara qatılmaq iddiasında olan klubların şanslarına da toxunub: “Fikrimcə, buna daha çox turnir cədvəlinin ilk dördlüyündə qərarlaşan komandalar yaxındılar. “Neftçi”ylə yanaşı “Xəzər Lənkəran”, “Qarabağ” və “İnter”in şansları yüksəkdi. “Bakı”nın da kubokdan avrokuboklara yollanmaq şansı var. Hamıdan az şansa malik olan “Qəbələ”di. Onların sadəcə dördüncü pilləyə qalxmaq şansları var. Amma bu, sadəcə bir proqnozdu”.
