14 aprel 2012 00:02
“Xəzər Lənkəranın 6 xalının silinməsi bizi sevindirmir”
"Bakı" futbol klubunun baş meneceri Zeynal Məmmədov FİFA-nın "Xəzər Lənkəran"ın hesabından 6 xal silinməsi barədə tələbinə münasibət bildirib. Azerisport.az xəbər verir ki, o, klubun rəsmi saytına açıqlamasında bunları dilə gətirib:
“Bu hal bizi sevindirmir, əksinə kədərləndirir. Vəziyyətin belə hal almasını arzulamazdıq. "Bakı" mübarizəni meydanda aparır və hər bir komandanın nəticəsinə hörmətlə yanaşır. "Xəzər Lənkəran"ın hesabından 6 xal silinməsi komandanın, futbolçuların, məşqçilərin əziyyətini yerə vurur. Bu, istənilən klub üçün ağır qərardı.
İnanıram ki, rəqibimiz özlərində güc taplb, mövsümün sonuna qədər iddialarını davam etdirəcək. Biz bütün münasibətlərin 90 dəqiqə ərzində ancaq meydanda ayırd olunmasının tərəfdarıyıq. Ədalətli münarizədə qazanılan istənilən nəticə bizim üçün qəbuldu".
