16 aprel 2012 12:31
Nadir Nəbiyev Premyer Liqada onuncu oldu
Premyer Liqanın XXVIII turunun “Simurq”la oyununda Nadir Nəbiyev “Turan”ın heyətində 200-cü çempionat matçına çıxıb. Azerisport.az xəbər verir ki, 32 yaşlı hücumçu heyətində 10 mövsüm keçirdiyi doğma komandasında bu matçadək 199 oyuna çıxmışdı.
Nadir bu müddətdə komandasının heyətində 62 qol vurub. Nəbiyev Azərbaycan çempionatları tarixində eyni komandada ən azı 200 oyun keçirən 10-cu futbolçu olub.
Ona qədər yalnız 9 oyunçuya bu nəsib olmuşdu. Bunlar Aslan Kərimov (“Qarabağ”, 268), Sakit Alıyev (“Turan”, 248), Müşfiq Hüseynov (“Qarabağ”, 244), Nizami Sadıqov (“Turan”, 237), Səttar Əliyev (“Qarabağ”, 230), Yaşar Hüseynov (“Qarabağ”, 226), Müşfiq Vəliyev (“Viləş”, 221), Alay Bəhramov (“Viləş”, 220) və Eltay Aslanov (“Turan”, 208) idi. (PFL)
