AFFA əvəzediciləri və birinci divizion klublarını da cəzalandırdı

Xəbər verdiyimiz kimi, bu gün AFFA İntizam Komitəsinin növbəti iclası keçirilib. Azerisport.az xəbər verir ki, aparılan müzakirələrdən sonra Premyer Liqada çıxış edən klubların əvəzedici heyətləri arasında keçirilən ölkə çempionatının 28-ci turunun, eləcə də birinci divizionun 26-cı turunun oyunları ilə bağlı aşağıdakı qərarlar çıxarılıb:

Premyer Liqada çıxış edən klubların əvəzedici heyətlərinin 28-ci turunun “Kəpəz” – “İnter” matçının 67-ci dəqiqəsində “Kəpəz”in futbolçusu Kənan Bayramov kobud oyuna görə birbaşa qırmızı vərəqə alaraq meydandan kənarlaşdırıldığı üçün 2 oyunluq cəzalanıb, klubu 1000 manat cərimə olunub.

 

“Simurq” – “Sumqayıt” matçında “Simurq”un 4 futbolçusu sarı vərəqə ilə cəzalandığı üçün klub 500 manat cərimə olunub

 

Azərbaycan I divizionunun 26-cı turunun MOİK – “Tərəqqi” matçının 65-ci dəqiqəsində “Tərəqqi”nin futbolçusu Rövşən Vəliyev kobud oyuna görə birbaşa qırmızı vərəqə alaraq meydandan kənarlaşdırıldığı üçün 2 oyunluq cəzalanıb, klubu 200 manat cərimə olunub.

 

“Şəmkir” – “Muğan” matçının 90+2-ci dəqiqəsində “Şəmkir”in futbolçusu Anar Rzayev ikinci sarı vərəqə alaraq meydandan kənarlaşdırıldığı zaman hakimləri təhqir etdiyi üçün 4 oyunluq cəzalanıb, klubu 400 manat cərimə olunub.

 

“MKT Araz” – “Karvan” matçında “MKT Araz”ın 6 futbolçusu sarı vərəqə ilə cəzalandığı üçün klub 100 manat cərimə olunub.

 

“Energetik” – “Şahdağ” matçının 89-cu dəqiqəsində “Energetik”in futbolçusu Samir Əliyev kobud oyuna görə birbaşa qırmızı vərəqə alaraq meydandan kənarlaşdırıldığı üçün 2 oyunluq cəzalanıb, klubu 200 manat cərimə olunub.

 

“Bakılı” – “Şuşa” matçının 85-ci dəqiqəsində “Bakılı”nın inzibatçısı Babək Mahmudov hakimin qərarına etiraz etdiyinə görə texniki zonadan kənarlaşdırıldığı üçün 1 oyunluq cəzalanıb, klubu 100 manat cərimə olunub.