17 aprel 2012 15:43
Georgi Adamiya: Hər şey cavab qarşılaşmasında bilinəcək
“Qarabağ” sabah ölkə kubokunun yarımfinal mərhələsində “Bakı”nın qonağı olacaq. Azerisport.az xəbər verir ki, Ağdam klubu artıq hazırlıqlarını tamamlayaraq oyun saatını gözləyir.
“Qarabağ”ın forvardı Georgi Adamiya klub saytıa oyunqabağı fikirlərini bölüşüb: “Bakı” sonuncu oyunda “Xəzər Lənkəran”ı böyük hesabla yenərək yaxşı əhval-ruhiyyə qazanıb. Həm də demək olar ki, rəqibimiz əsas hədəfinin kubok olduğunu gizlətmir. Öz meydanlarında oynadıqlarına görə sərfəli nəticə qazanmağa çalışacaqlar. Düzdü, bu mövsüm baş tutan hər 3 oyunda qələbə qazanmışıq. Amma bu daha çox “Bakı”nın yaxşı motivasiya olmasına şərait yaradıb. Axır zamanlar oyun planında da artırıblar. İndi ardıcıl 3 dəfə “Bakı”yla qarşılaşacağıq. Eyni komandayla ardıcıl oynamaq istər-istəməz adamı gərginləşdirir. Kuboku qazanmaq? Hər şeyi pillə-pillə etmək lazımdı Təbii ki, niyə istəmirəm ki, ən sonda biz sevinək? Deməzdim ki, sabahkı oyun həlledici olacaq. Məncə, hər şey cavab qarşılaşmasında bilinəcək. Üstəlik, arada heç də az əhəmiyyəti olmayan çempionat oyununda qarşılaşacağıq. Belə baxanda “Bakı”nın çempionatda mükafatçı olmaq şansı qalır. Bundan istifadə etmək istəyəcəklər. Bizi çox çətin 3 oyun gözləyir”.
