19 aprel 2012 15:35
Dünyanın ən bahalı futbol klubları müəyyənləşdi
Dünyanın ən bahalı futbol klublarının adları açıqlanıb. Azerisport.az xəbər verir ki, sözügedən siyahıya İngiltərənin "Manchester United" klubu başçılıq edir.
Bu komanda dünyanın ən bahalı futbol klubudu. Bu barədə "Forbes" jurnalı məlumat verib.
"Qırmızı şeytanlar" ötən bir il ərzində 20 faiz bahalaşıb. Kluba 2,2 milyard dollar qiymət qoyulub. Reytinq tərtib olunarkən, komandaların gəliri, mənfəəti və borcları nəzərə alınıb.
İkinci yerdə olan İspaniya "Real"ının qiyməti 29 faiz artıb və 1,8 milyarda çatıb. Üçüncü pillədə isə 1,3 milyard dollar dəyərə malik "Barcelona" qərarlaşıb.
İlk "10-luq"da sonrakı pillələri İngiltərə, İtaliya və Almaniya klubları tutur:
1. Mançester United (İngiltərə) - 2,2 milyard dollar
2. Real (Madrid, İspaniya) - 1,8
3. Barcelona (İspaniya) - 1,3
4. Arsenal (İngiltərə) - 1,2
5. Bayern (Almaniya) - 1,2
6. Milan (İtaliya) - 989 milyon
7. Chelsea (İngiltərə) - 761
8. Liverpool (İngiltərə) - 619
9. Juventus (İtaliya) - 591
10. Schalke (Almaniya) - 587
