19 aprel 2012 17:53
Georgi Adamiya: 2-ci pilləni kiməsə verməyə hazırlaşmırıq
“Qarabağ”ın hücumçusu Georgi Adamiya futbol üzrə Azərbaycan kubokunun “Bakı ilə ilk yarımfinal oyunundan sonra azerisport.az saytının suallarını cavablandırıb. Gürcü futbolçu 1:0 hesablı qələbəyə sevindikləri görüşlə bağlı öncə bunları dilə gətirib:
“Əlbəttə, kubokda səfər qələbəsi bizim üçün yaxşı nəticədi. Amma istənilən halda arxayınlaşmaq olmaz. Biz səfərdə öz qolumuzu vura bildik. Lakin bu, o demək deyil ki, “Bakı” cavab görüşündə bizə qol vurmayacaq. Mən deyərdim ki, hər şeyə məhz cavab görüşündə aydınlıq gələcək”.
“Əlbəttə, kubokda səfər qələbəsi bizim üçün yaxşı nəticədi. Amma istənilən halda arxayınlaşmaq olmaz. Biz səfərdə öz qolumuzu vura bildik. Lakin bu, o demək deyil ki, “Bakı” cavab görüşündə bizə qol vurmayacaq. Mən deyərdim ki, hər şeyə məhz cavab görüşündə aydınlıq gələcək”.
Adamiyanın sözlərinə görə, qələbə qazanmalarına baxmayaraq, “Qarabağ” konsentrasiyanı itirməməlidi: “Bəli, cavab oyunu öncəsi bizim müəyyən üstünlüyümü var. Amma bu, elə də böyük deyil. Səfərdə vurulan bircə qol bizə arxayınlaşmağa əsas vermir. Buna görə cavab oyununa daha yaxşı hazırlaşmalıyıq. Finala çıxmaq üçün buna borcluyuq”.
“Qarabağ” lider “Neftçi”dən 10 xal geri qaldığı üçün demək olar ki, çempionluq şansını itirib. Lakin gürcü forvard istənilən halda mübarizəni sona kimi davam etdirəcəklərini deyir: “Düzdü, “Neftçi” artıq çox uzaqdı. Amma biz istənilən halda mübarizəni sona kimi davam etdirəcəyik. Çünki ikinci pilləni kiməsə verməyə hazırlaşmırıq. Qızıl medal şanslarımızın qalmaması gümüşdən də imtina etməyimizə səbəb ola bilməz”.
Maraqlıdı ki, Ağdam klubu kubokun cavab oyunu ərəfəsində Premyer Liqada da “Bakı” ilə üz-üzə gələcək. O, bu məsələyə də münasibətini açıqlayıb: “Bakı” son dövrlər çox yaxşı futbol sərgiləyir. Bu komandanın artırdığı göz qabağındadı. Onları yenə məğlub etməyimizə baxmayın. Çünki bu qələbə bizə çox çətinliklə başa gəldi. Buna görə də düşünürəm ki, həm çempionat, həm də kubokun cavab oyununda bizə çox çətin olacaq”.
