19 aprel 2012 18:45
Yığmamız Türkiyəyə məğlub oldu (YENİLƏNİB)
Bu gün Gürcüstanın paytaxtı Tiflisdə UEFA tərəfindən təşkil olunmuş turnirdə 17 yaşadək qızlardan ibarət Azərbaycan yığması ilk oyununu keçirib. Azerisport.az xəbər verir ki, komandamız Türkiyə yığması ilə qarşılaşıb.
Yarımfinal xarakteri daşıyan görüşdə hesabı yığmamız açıb. Lakin türklər həmin qolunu əvəzini artıqlaması ilə çıxaraq, əzmkar qələbəyə seviniblər.
Qeyd edək ki, digər yarımfinal cütündə Gürcüstan Qazaxıstanı məğlub edib - 2:0. Beləcə, ayın 21-də keçiriləcək həlledici oyunda Türkiyə və Gürcüstan yığmsı qarşılaşacaq. Yığmamız isə Qazaxıstanla üçüncü yer uğrunda mübarizə aparacaq.
Azərbaycan - Türkiyə - 1:3 (1:2)
Qollar: Maya Danqadze, 9 - Semanur Akbaş, 33, Ayşe Ünal, 39, Ebru Topçu 42.
Oyun başladı
9-cu dəqiqədə yığmamız hesabı açır - 1:0
33-cü dəqiqədə türklər əks-hücumda hesabı bərabərləşdirirlər - 1:1
35. Şəfəq Nəsirova sarı vərəqə alır
37. Yığmamız yenidən önə keçə bilərdi: M.Sarıaltının əla cərimə zərbəsi qapı tirindən qayıtdı
39. Ayşe Ünal türkləri hesabda önə keçirir - 1:2
Gürcüstanlı baş hakim birinci hissəni başa vurur
İkinci hissə başladı
42. Ebru Topçu yığmamızı növbəti dəfə meydanın mərkəzinə dəvət edir - 1:3
53. Yığmamızın heyətində ilk əvəzləmə: Nigar Cəlilli Aliyə Vəliyeva ilə əvəzlənir
59. Aysun Əliyeva Leyla Solmazla əvəzlənir
78. Jalə Nəsirova sarı vərəqə ilə cəzalanır
Matç başa çatdı
