İki oyuna 7 qol, 3 penalti, 2 qırmızı

Ötən gün futbol üzrə Azərbaycan Premyer Liqasında 29-cu tura start verildi. Azerisport.az xəbər verir ki, ilk oyun günündə iki qarşılaşma baş tutdu.

 

Günün ilk oyunu “Dalğa Arena”da keçirildi. Burda ikinci altılıq çərçivəsində “Rəvan” “Turan”ı qəbul edirdi. İlk yarısı qolsuz bərabərliklə yekunlaşan matçın ikinci yarısında, xüsusən də son 10 dəqiqəsində azarkeşlər əsl şou izlədilər.

 

Matçın 54-cü dəqiqədə “Rəvan” Taqim Novruzovun penalti qolu ilə hesabda önə keçdi. Baş hakim Anar Salmanov qoldan 6 dəqiqə sonra Taqim Novruzova qırmızı vərəqə göstərərək meydandan qovdu. 83-cü dəqiqədə “Rəvan” daha bir penalti qazandı və bu dəfə Miloş Zeçeviç dəqiq oynadı. İkinci qoldan sonra irəli atılan “Turan” cəmi 1 dəqiqə sonra Georgi Beriaşvilinin qolu ilə bərabərliyi təmin etdi. 88-ci dəqiqədə isə Anar Salmanov matçdakı üçüncü penaltini bu dəfə “Rəvan”ın qapısına təyin etdi. Topa yaxınlaşan Aleksandr Qoqoberişvilinin zərbəsi dəqiq olub və matç 2:2 hesabı ilə yekunlaşdı.

 

Hər halda bu heç-heçə meydan sahibləri üçün ciddi xal itkisi sayıla bilər. Çünki qarşısına yeddinci pilləni tutmağı hədəf qoyan “sarı-qırmızılar” beləcə AZAL-la xal fərqini minimuma endirmək şansını boşa verdilər. Əvəzində “Turan” 1 xala sevinə bilər. Çünki bu, tovuzluların əsas izləyiciləri “Sumqayıt”dan bir qədər də aralanmasına şərait yaratdı.

 

İkinci oyun isə Zaqatalada keçirildi. Burda da “Simurq” “Sumqayıt”ı qəbul edirdi. Bu görüşdə hesabı 35-ci dəqiqədə meydan sahiblərindən Ruslan Poladov açdı. 54-cü dəqiqədə “Sumqayıt”dan Eşqin Quliyev meydandan qovuldu. Bundan yararlanan meydan sahibləri 13 dəqiqə sonra Anatoli Doroşla ikinci qola sevindilər. Ruhdan düşməyən “Sumqayıt” 78-ci dəqiqədə Orxan Əliyevin qolu ilə fərqi azaltsa da, bundan artığına gücü çatmadı. Beləcə, “Simurq” ev oyununda 2:1 hesablı qələbə qazandı.

 

Bu qələbə sayəsində Zaqatala klubu özündən öndə qərarlaşan “Kəpəz”lə xallarını bərabərləşdirmiş oldu. Sonuncu pillədə qərarlaşan “Sumqayıt”ın isə artıq bundan sonra dönüş yaradacağı inandırıcı görünmür. Çox güman ki, Bernard Raabın komandası mövsümü məhz zirzəmidə bitirəcək.

 

Qeyd edək ki, tura bu gün keçiriləcək 4 oyunla yekun vurulacaq. “Xəzər Lənkəran” – “Neftçi” oyununun keçiriləcəyi gündə “Qarabağ” “Bakı”nı, “İnter” “Qəbələ”ni, “Kəpəz” isə AZAL-ı qəbul edəcək.

 

Premyer Liqa

Final Mərhələsi

29-cu tur

 

RƏVAN - TURAN - 2:2 (0:0)

Qollar: T.Novruzov, 54-pen (1:0), M.Zeçeviç, 83-pen (2:0), G.Beriaşvili, 84, A,Qoqoberişvili, 88-pen (2:2)

Vərəqələr: Miloş Zeçeviç, 36 (rəqibə badalaq). Taqim Novruzov, 44 (rəqibi əllə tutduğuna görə). Şerif Suma, 88 (sürüşmə fəndindən düzgün istifadə etmədiyinə görə) – Azər Məmmədov, 7 (sürüşmə fəndindən düzgün istifadə etmədiyinə görə). Muammer Erdoğdu, 53 (sürüşmə fəndindən düzgün istifadə etmədiyinə görə). Anar Nəzirov, 82 (sürüşmə fəndindən düzgün istifadə etmədiyinə görə). Georgi Beriaşvili, 90+2 (simulyasiya) – sarı, Taqım Novruzov, 60 (qeyri-idman hərəkəti) - qırmızı.

Hakimlər: Anar Salmanov, Zeynal Zeynalov, Azər Əsgərov, Tahir Əhmədov.

AFFA nümayəndəsi: Ramiz Əliyev.

Hakim-inspektor: Səfər Haşımov.

Bakı. Dalğa Arena. 100 tamaşaçı.

Rəvan: 12. Davud Kərimi, 3. Miloş Zeçeviç (k), 4. Ekrem Hodziç, 6. Taqim Novruzov, 7. Elvin Musazadə (5. Natiq Kərimi, 64), 8. Tural Axundov, 10. Nemanya Vidakoviç (15. Tural Cəlilov, 90), 11. Şerif Suma, 17. Ramazan Abbasov, 18. Samuel Barlay, 20. Kristian Tores.

Ehtiyyat oyunçular 99. Murad Qənbərov, 9. Vüsal Qarayev, 13. Fərid Həşimzadə, 21. Ceyhun Abdullayev, 24. Hüseyn İsgəndərov.

Baş məşqçi: Bəhmən Həsənov.

Turan: 1. Anar Nəzirov, 3. Aftandil Hacıyev (k), 5. Ayxan Abbasov, 10. Nadir Nəbiyev, 14. Aleksandr Qoqoberişvili, 18. Hafiz Əliyev (11. Georgi Beriaşvili, 51), 20. Azər Məmmədov, 21. Rəşad Orucov (7. Fərmayıl Əliyev, 81), 24. Dan Pisla (17. Rəşad Piriyev, 85), 25. Muammer Erdoğdu, 32. Cavid Tağıyev.

Ehtiyat oyunçular: 12. Ramil Kərimov, 4. Seymur Tağıyev, 6. Ruslan Namazov, 22. Cavad Mirzəyev.

Baş məşqçi: Əsgər Abdullayev.

 

SİMURQ - SUMQAYIT - 2:1 (1:0)

Qollar: Ruslan Poladov, 35 (1:0), Anatoli Doroş, 67 (2:0), Orxan Əliyev, 78 (2:1)

Vərəqələr: Daniel Genov, 62 (qeyri-idman hərəkəti) – Orxan Həsənov, 26 (hakimin qərarına etiraz). Samir Abbasov, 45 (qeyri-idman hərəkəti). Ruslan Qurbanov, 51 (hakimin qərarına etiraz). Uğur Pamuk, 63 (qeyri-idman hərəkəti). Murad Ağayev, 72 (hakimin qərarına etiraz) – sarı, Eşqin Quliyev, 54 (rəqibə bilərəkdən ayaqla zərbə vurğuna görə) - qırmızı.

Hakimlər: Rəhim Həsənov, Vaqif Musayev, Elşən Acalov, Anar Göyçayski.

AFFA nümayəndəsi: Eldar Qasımov.

Hakim-inspektor: Şahin Cəfərov.

Zaqatala şəhər stadionu. 1200 tamaşaçı.

Simurq: 32. Dmitriy Kramarenko (k), 2. İlkin Qırtımov, 4. Vasiliy Yanatovski, 7. Ruslan Poladov, 8. Qərib İbrahimov (6. Mikayıl Rəhimov, 89), 13. Aleksandr Şemonayev, 19. Anatoliy Doroş (9. Əli Bağırov, 78), 28. Rüstəm Abbasov, 29. İqor Tarasov, 77. Daniel Genov (21. Emin Cəfərquliyev, 71), 79.Vidas Alunderis.

Ehtiyat oyunçular: 52. Səbuhi Əhmədov, 17. Rüstəm Məmmədov, 23. Ruhid Usubov, 10. Tofiq Mikayılov.

Baş məşqçi: Georgi Çixradze.

Sumqayıt: 23. Andrey Popoviç, 15. Tərlan Quliyev, 22. Ruslan Tağızadə, 52. Bədavi Hüseynov (70. Şamil Camaləddinov, 46), 4. Samir Abbasov (k), 95. Murad Ağayev, 10. Eşqin Quliyev, 47. Abdulla Abatsiyev, 9. Orxan Həsənov (25. Uğur Pamuk, 46), 91. Ruslan Qurbanov (19. Orxan Əliyev, 68), 11. Kamil Nurəhmədov.

Ehtiyat oyunçular: 1. Emil Balayev, 8. Emin Mustafayev, 27. Ramil Həşimzadə, 50. Samir Abdulov.

Baş məşqçi: Bernard Raab.

 

1	Neftçi	28	19	3	6	53 - 25	28	60
2	Qarabağ	28	14	8	6	32 - 18	14	50
3	İnter	28	14	7	7	26 - 19	7	49
4	Xəzər L	28	15	6	7	38 - 26	12	45
5	Qəbələ	28	13	6	9	36 - 29	7	45
6	Bakı	28	13	5	10	36 - 29	7	44