29-cu tur. Mehman Allahverdiyevin proqnozu

“Kəpəz”in keçmiş baş məşqçisi Mehman Allahverdiyev futbol üzrə Azərbaycan çempionatının 29-cu turu çərçivəsində baş tutacaq görüşlər barədə öz rəyini azerisport.az-a bildirib.

 

XƏZƏR-LƏNKƏRAN - NEFTÇİ

Bu oyun haqqında heç bir mülahizə söylənilməsi mümkün olmayan yeganə oyundur. Ancaq mən cəhd edərdim. Hər iki komanda qələbəyə oynayaq. “Xəzər-Lənkəran”a öz şərəfi ucadır. Həmçinin onlar “Neftçi”yə çempionluğu doğma Şəhər stadionunda qeyd etməyə imkan verə bilməzlər. Düşünürəm ki, burada hər şey heç-heçə ilə başa çatacaq.

 

QARABAĞ - BAKI

Ölkə kubokunun ilk yarımfinal oyununda hər şey “Qarabağ”ın istədiyi kimi oldu. Novruz Əzimovun komandası isə avrokuboklara düşmək üçün qələbə qazanmalı olduğunu bilməlidir. Çempionatda onların buna şansı var. Düşünürəm ki, bu dəfə “Bakı” fərqli oynayacaq və qalib gələcək.

 

İNTER - QƏBƏLƏ

“Qəbələ” son görüşlərdə inamsız oyun göstərir. Elə bil oyunçular mövsümə bütün ümidlərini itiriblər. “İnter” döyüşkən köklənib. Mənə elə gəlir ki, “Qəbələ”yə Bakıda qələbəyə oynamaq çətin olacaq. Oyun heç-heçə bşa çatacaq.

 

RƏVAN - TURAN

Hər iki komanda demək olar, eynigüclüdür. “Rəvan” mövsümü kifayət qədər inamlı başladı. Ancaq ikinci “altılığ”a düşəndən əvvəlki oyununu itirdi. “Turan”a qələbə lazımdır. Əks halda komanda premyer-liqada qalmayacaq. Mənim fikrimcə - heç-heçə.

 

SİMURQ - SUMQAYIT

“Simurq” “Sumqayıt”dan fərqli daha yaxşı oyun göstərir. Debütant “Sumqayıt” çox güman ki, premyer-liqanı tərk edəcəyini bilir. Bu görüşdə favoritim “Simurq”du. Onlar qalib gələcək.

 

KƏPƏZ - AZAL

“Kəpəz” çox güman ki, qalib gələcək. Mənə bu oyun haqda nə isə demək çox çətindir. Axı mən “Kəpəz”in keçmiş məşqçisiyəm və bu komandaya biganə deyiləm. Buna baxmayaraq düşünürəm ki, AZAL-ın şansları azdır.