Amit Quluzadə və komandası liderdən xal aldı (YENİLƏNİB)

Futbol üzrə Türkiyənin Bank Asya birinci liqasında 31-ci turun oyunları keçirilib. Azerisport.az xəbər verir ki, millimizin yarımmüdafiəçisi Amit Quluzadənin çıxış etdiyi “Erciyesspor” da bu gün növbəti oyununa çıxıb.

 

Həmyerlimizin komandası səfərdə “Elazığspor” ilə qarşılaşıb. Son dövrlər uğursuz çıxışı ilə diqqət çəkən Kayseri klubu bu oyunda növbəti qələbəsini qazanmağı hədəfləmişdi. Lakin tərəflər meydandan sülhlə ayrılıblar..

 

Son oyunda forma geyməyən Amitin bu dəfə hansı aqibəti yaşayacağı maraq doğururdu. Baş məşqçi Kemalettin Şentürk futbolçumuza görüşün 86-cı dəqiqəsində şans verib.

 

Qeyd edək ki, Kayseri klubu hazırda 31 oyundan sonra 45 xalla 7-ci pillədə qərarlaşıb. “Elazığspor” isə 58 xalla 1-cidi.

 

Türkiyə Bank Asya birinci liqası

31-ci tur

22 aprel

 

Elazığspor - Erciyesspor - 0:0