22 aprel 2012 21:08
Kavlak: Belə məsələlərə Hakimlər Komitəsi baxmalıdı
“Qəbələ”nin baş məşqçisi Fatih Kavlak Premyer Liqanın 29-cu turunun “İnter”lə oyununu şərh edib. Azerisport.az xəbər verir ki, Qəbələ klubunun türkiyəli çalışdırıcısı komandasının 1:2 hesabıyla məğlub olduğu görüşdən sonra bunları dilə gətirib:
“İlk hissədə yaxşı oynamasaq da, ikinci hissədə daha aqressiv oyun nümayiş etdirərək rəqibi sıxmağa başladıq. Rəqibi öz qapısına sıxsaq da, təəssüf ki, qol imkanlarından yararlana bilmədik. “Bakı” ilə oyuna yaxşı hazırlaşmalıyıq. Mən bu komandaya baş məşqçi təyin olunandan demişəm ki, hakimliklə bağlı danışmıram. Belə məsələlərə Hakimlər Komitəsi baxmalıdı, mən öz komandama cavabdehəm”.
