24 aprel 2012 12:57
Georgi Adamiya Bakı ilə oyunda Qarabağa kömək edə bilməyəcək
“Qarabağ” futbol üzrə Azərbaycan kubokunun “Bakı” ilə cavab yarımfinal görüşünə hazırlıqlarını davam etdirir. Azerisport.az xəbər verir ki, Bakıya qayıtmayan və Quzanlıda məskunlaşan Ağdam təmsilçisi məşqlərini də doğma divarlar arasında keçir.
Qurban Qurbanovun komandası prinsipial görüşə ciddi itki ilə çıxmalı olacaq. Belə ki, komandanın aparıcı oyunçularından Georgi Adamiya kubokdakı qarşılaşmanı buraxmalıdı. Buna səbəb gürcü yarımmüdafiəçinin sarı vərəqə limitini keçməsidi.
Xatırladaq ki, ağdamlılar “Bakı”nı ilk görüşdə səfərdə 1:0 hesabıyla məğlub etmişdi. “Qarabağ” – “Bakı” oyunu sabah keçiriləcək və saat 16:00-da başlayacaq.
