24 aprel 2012 13:51
XL kapitanı ilə yeni müqavilə imzaladı
Futbol üzrə Azərbaycan yığmasının da şərəfini qoruyan Rahid Əmirquliyev “Xəzər Lənkəran”la müqaviləsini yeniləyib. Azerisport.az xəbər verir ki, 2006-cı ildən cənub klubunun şərəfini qoruyan 23 yaşlı yarımmüdafiəçi komandasıyla müqaviləsinin müddətini artırmağa qərar verib.
Qeyd edək ki, Rahidin də digər aparıcı oyunçularla yanaşı “Xəzər Lənkəran”dan ayrılacağı barədə xəbərlər dolaşırdı. Lakin göründüyü kimi, klub rəhbərliyinin yeni müqavilə təklifini qəbul edən Əmirquliyev də kapitanı olduğu komandanı tərk etməməyə üstünlük verib.
Maraq üçün xatırladaq ki, Rahiddən öncə cənublular haqlarında oxşar şayiələr dolaşan Kamran Ağayev, Elnur Allahverdiyev və Adrian Pitlə də müqaviləni təzələyiblər.
