26 aprel 2012 14:23
Gəncədə yeni arena üçün 6 milyon manat
Gəncə şəhərində yeni futbol stadionunun inşasına start verilib. Azerisport.az xəbər verir ki, yeni arena beynəlxalq aeroporta yaxın ərazidə yerləşir.
Stadionun tikintisinin 6 milyon manata başa gələcəyi gözlənilir. Yeni idman qurğusu bütün müasir tələblərə cavab verəcək. Bu arenanın nə vaxta hazır olacağı isə hələlik bəlli deyil.
Qeyd edək ki, Gəncə şəhəri Azərbaycan çempionatında iki klublar təmsil olunur. “Kəpəz” Premyer Liqada, “Tərəqqi” isə birinci divizionda çıxış edir. Hazırda Gəncə şəhərində olan digər stadionların durumu isə o qədər də ürəkaçan deyil.
