28 aprel 2012 12:39
Millimiz Gürcüstana qalib gəldi (YENİLƏNİB)
17 yaşadək futbolçulardan ibarət Azərbaycan yığması Qazaxıstanın Almatı şəhərində təşkil olunan “Prezident kuboku” turnirində iştirak edi. Azerisport.az xəbər verir ki, yığmamız turnirdəki ilk oyununu bu gün keçirib.
Təbriz Həsənovun komandasının startdakı rəqibi Gürcüstan yığması olub. Bu beynəlxalq turnirin son qalibi olan millimiz qonşu ölkə təmsilçisi üzərində qələbə qazanmağa nail olub - 1:0.
Qeyd edək ki, Azərbaycan yığmasının qrupunda digər rəqiblər də qonşu ölkə təmsilçiləridi - Türkiyə və İran. İlk oyun günündə bu komandalar da öz aralarındakı münasibətlərə aydınlıq gətiriblər. İranlılar 3:2 hesablı qələbəyə seviniblər.
Yığmamız turnirdə növbəti oyununu sabah – aprelin 29-da, Bakı vaxtı ilə saat 12:00-da Türkiyə komandasına qarşı keçirəcək.
Prezident kuboku
Qrup mərhələsi
28 aprel
Azərbaycan - Gürcüstan - 1:0 (0:0)
Qol: Fəhmin Muradbəyli, 57.
Matçın 57-ci dəqiqəsində yığmamız hesabı açır
