29 aprel 2012 15:07
Ansi Aqolli: FİFA belə “oyun oynamamalı” idi
“Qarabağ”ın müdafiəçisi Ansi Aqolli Premyer Liqanın 30-cu turunun “Neftçi” ilə oyunu öncəsi fikirlərini bölüşüb. Azerisport.az saytına müsahibəsində o, öncə bunları dilə gətirib:
“Kubokun yarımfinalında “Bakı”ya məğlubiyyət bizim oyunumuza mənfi təsirini göstərməyə bilməz. Bu, əlbətə ki, ağır zərbə oldu. Amma biz ruhdan düşməməliyik. “Neftçi”ylə oyunda mütləq qələbə qazanmalıyıq”.
“Kubokun yarımfinalında “Bakı”ya məğlubiyyət bizim oyunumuza mənfi təsirini göstərməyə bilməz. Bu, əlbətə ki, ağır zərbə oldu. Amma biz ruhdan düşməməliyik. “Neftçi”ylə oyunda mütləq qələbə qazanmalıyıq”.
Albaniyalı futbolçunun sözünə görə FİFA-nın “Xəzər Lənkəran”la bağlı qərar onlar üçün çox gözlənilməz olub: “Bilirsiz, əslində mən onların xallarının bərpa olunmasına qarşı deyiləm. Amma bunu belə bir vaxtda etmək lazım deyildi. Öncə xalları silirlər, iki həftə sonra da qaytarırlar. Bu, bütün komandaların turnir cədvəlindəki təxminlərinə təsir göstərdi. Belə “oyun oynamaq” lazım deyildi. Bu üzdən indi biz çox çətin duruma düşmüşük. Avrokuboklarsız qala bilərik. Çünki “Neftçi” çempionluğunu rəsmiləşdirəcəyi halda, 4-cü pillədə qərarlaşan komandanın avrokuboklara getməsi mümkünsüz olacaq”.
Aqolli komandasının avrokuboklarsız qalmasına da toxunub: “Bu haqda düşünmək də istəmirəm. Biz qalan hər üç oyunda qələbə qazanmağa borcluyuq. Avrokuboklara vəsiqə qazanmaq üçün başqa yolumuz yoxdu. “Qarabağ” avrokuboklarsız qala bilməz”.
Təcrübəli müdafiəçi “Neftçi” ilə oyunda rəqib komandanın çempionluğunu qeyd etməsinə imkan verilməyəcəyini bildirir: “Dediyim kimi, vəziyyətimiz heç də yaxşı deyil. Buna görə də indi “Neftçi”ni məğlub etməkdən başqa çıxış yolumuz yoxdu. “Neftçi”nin çempionluğunu bayram etməsinə imkan verməcəyik. Kubokda azarkeşlərimizi məyus etdik. Çempionatda isə hər şeyin əvəzini çıxmaq istəyirik”.
