29 aprel 2012 00:38
Bakı Qəbələ ilə oyuna 6 itki ilə çıxacaq (VİDEO)
Premyer Liqanın 30-cu turunda "Qəbələ" ilə qarşılaşacaq "Bakı" oyuna Qəbələ şəhər stadionunda keçirdiyi məşqlə davam edib. Azerisport.az xəbər verir ki, heyətdə ciddi itkilərin olması məşqçilər korpusunun narahatlığına səbəb olub. Daha əvvəl zədə səbəbindən oyunlardan kənar qalan Elvin Əliyev, Duye Bakovic, Novruz Məmmədovun sırasına "Qarabağla kubok oyununda zədələnən Uinston Parks, Maris Verpakovski və Junior da əlavə olunub.
Adıçəkilən futbolçular ötən gün baş tutan son məşqə qatılmayıblar və onların bu oyunda istirak etməyəcəyi dəqiqləşib. Komandanın məşqçisi Novruz Əzimov əvəzedici komandanın üzvü Namiq Ələsgərovu heyətə qatıb. Gənc hücumçu ilk dəfə olaraq əsas komandanın məşqində iştirak edib.
Xatırladaq ki, "Qəbələ" - "Bakı" qarşılşamasının start fiti bu gün saat 16:00-da səslənəcək.
