Slavço Georgiyevski: Kubokun finalından sonra artıq Neftçinin oyunçusu olmayacağam

“Neftçi”nin makedoniyalı yarımmüdafiəçisi Slavço Georgiyevski futbol üzrə Azərbaycan çempionatının 30-cu turu çərçivəsində keçirilmiş görüşdə “Qarabağ” üzərində qələbədən (2:1) sonra azerisport.az müxbirinin suallarını cavablayıb.

 

- “Neftçi”nin ikinci il ardıcıl Azərbaycan çempionu olduğunu müəyyənləşdirən “İnter” - “Xəzər Lənkəran” oyununu harada izlədiniz?

- Evdə. “Qarabağ”la çətin oyundan sonra toplanış olmayacağı qərarlaşdırıldı. Hələ bunu qeyd etməyə imkan tapacağıq.

 

- Mövsümün birinci hissəsindəki kimi, sizə yenə də Ağdam klubu üzərində əzmkar qələbə müyəssər oldu...

- Bu komandalar arasında oyunlar həmişə çətin keçir. Hətta hesabda irəlidə olanda belə, rahat olmursan. İstənilən an nə desən ola bilər.

 

- Bu qələbə faktiki olaraq “Neftçi” üçün çempionluq qələbəsi oldu...

- Çətin mövsüm alındı. Uğuru təkrarlamaq asan deyildi. Premyer-liqada iddialı komandalar kifayət qədərdir. Ancaq biz səviyyəmizin digər komandalardan üstün olduğunu göstərdik. Çətinlik həm də çempionat oyunları ilə yanaşı Kubokda uğurlu oyun və finala vəsiqə ilə səciyyələnirdi. Bütün komandanı, klub rəhbərliyini, bizi dəstəkləyən azarkeşlərimizi təbrik edirəm.

 

- Hansı çempionluq daha çətin idi?

- Hər biri özlüyündə çətin idi. Əlbəttə yarışı qazanmaq uğuru təkrarlamaqdan asandır. Həm də çempiona qarşı tamilə fərqli köklənirlər.

 

- Deməli hazırki çempionluq sizə daha vacibdir?

- Bu baxış bucağından asılıdır. Ötən mövsüm çempion olduqdan sonra guya bizə kömək edilməsi barədə çoxlu söz-söhbət gəzirdi. Bu mövsüm biz, hər şeyin belə olmadığını göstərdik. Hamıdan yaşı oynadıq və layiqincə qızıl medalları qazandıq.

 

- Komandanın birinci yeri təmin etməsinə baxmayaraq, mövsüm bununla bitmədi. Qalan iki tura köklənmə mənbəyiniz nə olacaq?

- Sona qədər oynayacağıq. Bizim xislətimiz belədir. Ola bilər ki. Kimə isə istirahət verilsin. Axı hələ qarşıda Azərbaycan Kuboku uğrunda həlledici görüş var.

 

- Artıq qızıl dubl haqda düşünürsünüz?

- Hələ mövsümün başlanğıcında bizim belə tapşırığımız vardı. “Neftçi”nin bəzi futbolçularının belə şansı artıq olmaya bilər. Final oyununa hələ vaxt var, çempionluğu bayram etmək üçün iki gün vaxt verin.

 

- İki kəlmə - Çempionlar liqası.

- Kubokun final oyunundan sonra mən artıq Neftçi-nin oyunçusu olmayacağam. Mənə klub rəhbərliyi ilə görüşmək, sonra Çempionlar Liqası haqda danışmaq lazımdı.