1 may 2012 17:24
Yığmamızın baş məşqçisi darmadağını şərh etdi
Qazaxıstanın Almatı şəhərində təşkil olunmuş “Prezident kuboku” turnirində 17 yaşadək futbolçulardan ibarət İran və Azərbaycan yığmaları arasında bu gün keçirilmiş oyundan sonra yığmamızın baş məşqçisi Təbriz Həsənov matçla bağlı fikirlərini bildirib. Azerisport.az xəbər verir ki, o, komandamızın 0:3 hesablı yenilgisini belə şərh edib:
“Daha əvvəl də qeyd etdiyim kimi, İran yığması fiziki baxımdan turnirin ən güclü komandalarından biri, hətta birincisidi. Əsas məqsədimiz qol buraxmamaq idi. Təəssüf ki, birinci hissədə iki standart vəziyyətdə qapımızda qol gördük. Hesabda geri düşdükdən sonra uşaqlar tələskənliyə yol verdilər. Fasilədən sonra oyunda dönüş yaratmaq istəsək də, əks-hücumda rəqib üçüncü qolu vurdu”.
