1 may 2012 19:28
“Futbolda nəyin necə olacağını bilmək olmaz”
Futbol üzrə Azərbaycan Premyer Liqasında sona iki tur qalmış çempionun adı bəlli olsa da, Avropa Liqasına son iki vəsiqə uğrunda mübarizə davam edir. Azerisport.az xəbər verir ki, çempionatın sonuna iki tur qalmış “Qəbələ” klubunun baş məşqçisi Fatih Kavlak şanslarını belə dəyərləndirib:
“Son iki turda da qələbə qazanıb mövsümü adımıza layiq şəkildə başa vurmağa çalışacağıq. Azərbaycan futbolunun çox gözəl bir mövsüm keçirdiyini söyləyə bilərik. Həyəcanlı çempionatın şahidi olduq, mübarizə sonadək davam edir. Avrokuboklara vəsiqə qazanmaq şanslarımız çox aşağıdı. Son iki oyunda qələbə qazanıb 6 xal əldə etsək də, bu, kifayət etmir, rəqiblərimiz də məğlub olmalıdı. Şansımız öz əlimizdə deyil. “Xəzər Lənkəran”, “Qarabağ” və “İnter”lə nisbətdə bizim şanlarımız daha azdı. Ancaq futbolda hər şey olur. “İnter”i məğlub etsəydik, hazırda şanslarımız daha yüksək olacaqdı. “Qarabağ” 1-2 tur öncə Avroliqaya ən çox şansı olan komanda idi. Ancaq indi vəziyyət başqadı. Yəni, futbolda nəyin necə olacağını bilmək olmaz”.
