Emrah Çelikel: Son söz Qurban Qurbanovundu

“Qarabağ”ın idman direktoru Emrah Çelikel azerisport.az-a müsahibəsində komandanın son uğursuzluqlarından danışmaqla yanaşı, Quban Qurbanovu müdafiə edib və kiçik dəyişikliklər vəd edib.

 

- Son oyunlarda “Qarabağ”ı ardıcıl uğursuzluqlar təqib edir. Bunu nə ilə bağlayırsız?

- Biz ardıcıl üç oyunda məğlub olduq və bu vəziyyət bizi sevindirə bilməz. Deməzdim ki, pis oynayırıq. Komandanın bəxti gətirmir. Ancaq bizim hələ avrokuboklara düşmək şansımız var. İnanırıq ki, məhz biz Avroliqaya vəsiqə qazanacağıq. Bu yay azarkeşlərimizi yenə sevindirməyə hazırıq.

 

- Oyunçuların sadəcə yorulduğunu hesab etmirsiz ki?

- Ola bilər. Ancaq ümumiyyətlə sadəcə bəxtimiz gətirmir. “Qarabağ” illərlə formalaşmış komandadır. Uşaqlar artıq bir neçə ildir birgə oynayırlar və bir-birini yaxşı anlayırlar. Yorğunluq? Təkrar edirəm - hər şey ola bilər.

 

- Komandanın avrokuboklara düşə bilməyəcəyi təqdirdə güman ki tənqid atəşinə məruz qalacaq Qurban Qurbanova rəhbərliyin mövqeyi necədir?

- Biz məşqçini dəstəkləyirik və onunla işlədiyimizə xoşbəxtik. O, gələcəkdə də komandaya rəhbərliyi davam etdirəcək. Biz Qurbanla gələcəkdə daha böyük qələbələrə nail olacağımıza inanırıq. Başqa heç nə düşünmək belə istəmirəm.

 

- Qışda “Qarabağ” transfer bazarında çox da fəal deyildi. Bəlkə daha keyfiyyətli güclənmək lazım idi?

- Biz həmişə Qurban Qurbanovun komandada görmək istədiyi oyunçu ilə müqaviləyə çalışırıq. Bəzən bu, bizə müyəssər olur. Mən mümkün uğursuzluğun məşqçinin adı ilə bağlanmasını ümumiyyətlə istəmirəm. Biz birlikdə qalib gəlirik və birgə uduzuruq.

 

- “Qarabağ” avrokuboklarsız qalsa nə olacaq?

- Gəlin faciə yaratmayaq. Hələ ki şanlarımız var. Ancaq düşə bilməsək, bizim yerimizə digər Azərbaycan klubu oynayacaq. Biz isə onlara azarkeşik edəcəyik.

 

- Heyəti dəyişikliklər gözləyir?

- Dəyişikliklər istənilən halda olacaq. Hər yaya komandanı kimsə tərk edir. Hər şeyi məşqçi həll edir. Son söz həmişə Qurban Qurbanovun olub.

 

- “Qarabağ”ın stadion tikintisi haqda nə məlumdur?

- Biz Suraxanıdakı stadionun yenidənqurması haqda planlaşdırırıq. Sentyabrda bizim ora köçməyimiz gözlənilir. Layihə artıq hazırdır. Həyata keçirmək qalır.