2 may 2012 15:37
Fərid Quliyev: Nasimovun zədəsi mənim üçün şansdı
“Neftçi”nin hücumçusu Fərid Quliyev azerisport.az saytına müsahibəsində karyerasında ikinci dəfə Azərbaycan çempionu olmasından, son dövrlər daha çox şans qazanmağa başlamasından, eləcə də kuboku qazanmaq şanslarından danışıb.
- “Neftçi” sona iki tur qalmış artıq çempionluğunu rəsmiləşdirdi. Bu, sizin karyeranızda ikinci çempionluq olmalıdı...
- Bəli. İlk çempionluğu “Bakı” ilə yaşamışdım. Yeri gəlmişkən, elə o vaxt da komandanı Böyükağa Hacıyev çalışdırırdı. Bu dəfə də eyni uğuru məhz onun rəhbərliyi altında qazana bildim.
- Görünür, sizdə yaxşı tandem alınır...
- (gülür) Ola bilər. Amma sizə deyim ki, bu dəfə daha çətin oldu. Çünki “Neftçi” çempionluq titulunu qorumaq istəyirdi ki, bu da ikiqat çətinliklə başa gəldi. Axı titulu qorumaq onu ilk dəfə qazanmaqdan daha çətin olur. Mövsümün əvvəlində bunun belə olacağına çox az adam inanardı.
- Mövsümün böyük hissəsini ehtiyatda keçirsəniz də, son dövrlər tez-tez meydana çıxmağa başlamısız...
- Təəssüf ki, Bahodir Nasimov mövsümün sonunda belə zədə ilə üzləşdi. Amma bu bir tərəfdən də mənim üçün bir şansdı. Mövsümün sonunda daha çox oynamağa başlamışam. Şadam ki, meydana çıxdığım oyunlarda komandamızın nəticələri pis deyil. Əksinə, biz həm çempion olduq, həm də kubokun finalına çıxdıq.
- Niyə bu mövsüm çox az oynayırsız? Belə çıxır ki, Nasimovla rəqabətdə uduzursuz?
- “Neftçi” son dövrlər bir forvardla oynayır və bu oyunçu da mütəmadi olaraq qol vurur. Qol vuran oyunçunu dəyişməyin nə mənası var? Əgər komandamız iki hücumçu ilə çıxış etsəydi, o zaman əminəm ki, daha çox oynamaq şansım olardı.
- “Neftçi” son dövrlər bir forvardla oynayır və bu oyunçu da mütəmadi olaraq qol vurur. Qol vuran oyunçunu dəyişməyin nə mənası var? Əgər komandamız iki hücumçu ilə çıxış etsəydi, o zaman əminəm ki, daha çox oynamaq şansım olardı.
- Buna baxmayaraq, hələ də qol vura bilməmisiz...
- Hələ üç oyun oynamışam. Amma bu, o demək deyil ki, komandama heç bir fayda verməmişəm. Əksinə “İnter”i, “Qarabağ”ı məğlub etdik. Təbii ki, özüm də qol vurmaq istəyirəm. Qarşıda daha iki oyun var. Mənim də bu istəyimi reallaşdırmaq imkanım olacaq.
- Mövsümün sonunda sizin müqavilənizin müddəti başa çatır. Gələcəklə bağlı planlarınız necədi?
- Hələ o dərəcədə irəli baxmıram. Qarşıda “Neftçi”ni iki çempionat oyunu və kubokun final matçı gözləyir...
- Hələ o dərəcədə irəli baxmıram. Qarşıda “Neftçi”ni iki çempionat oyunu və kubokun final matçı gözləyir...
- Deməli, sizin özünüzü isbatlamaq və nahaq yerə ehtiyatda qaldığınızı sübut etmək imkanınız var...
- Heç kimə nəyisə sübut etmək istəmirəm. Sadəcə, komandama kömək etmək istəyirəm ki, kuboku da qazana bilək. Çünki bunu çoxdandı qazana bilmirik.
