3 may 2012 13:16
Kristiano Ronaldodan ədəbsiz hərəkət (FOTO)
Futbol üzrə İspaniya La Liqasında ötən gün səfərdə "Athletic"i məğlub etməklə çempion olan Madridin "Real" klubunun bu zəfərindən danışıldığı bir vaxtda, kral klubunun ulduz futbolçusu Kristiano Ronaldo etdiyi hərəkətlə bütün diqqəti öz üzərinə çəkib. Azerisport.az xəbər verir ki, portuqaliyalı futbolçu oyunun gedişində qol imkanlarının birindən yararlana bilməyincə yerli fanatlar tərəfindən lağa qoyulub.
Qarşılaşmanın əvvəlində də penaltidən yararlana bilməyən Ronaldo azarkeşlərin onu fitə basmasını qəbul edə bilmədiyi üçün üzünü tribunalara tutaraq 3 barmağını göstərməklə 3:0 öndə olduqlarına işarə edib. Bu azmış kimi o, matçın sonunda rəqib komandanın ehtiyatda oturan oyunçusu Xavi Martineslə də münaqişəyə girib. Məhz bu zaman o, ədəbsiz jest etməklə ispaniyalı futbolsevərlərin qəzəbinə səbəb olub.
