4 may 2012 00:02
Bakı 11 cavabsız qol vurub, çempion oldu (VİDEO)
“Bakı”nın U-16 komandası Azərbaycan çempionatının sonuna 5 tur qalmış çempionluğunu rəsmiləşdirib. Azerisport.az xəbər verir ki, cari mövsüm 22-ci oyununa çıxan komanda 20-ci qələbəsini darmadağınla qazanıb və rəqibləri üçün əlçatmaz mövqeyə yüksəlib.
"Vətən"i qəbul edən "zolaqlılar" rəqibə aman verməyiblər. İlk yarıdan sonra 7:0 hesabı ilə irəlidə olan yeniyetmə “zolaqlılar” ikinci hissədə daha 4 qol vuraraq qələbəni və eyni zamanda çempionluqlarını rəsmiləşdiriblər. 11:0 hesabı ilə qalib gələn U-16 komanda ardıcıl ikinci dəfə Azərbaycan çempionu adını qazanıb.
Bu zəfər paytaxt klubu üçün böyük sevincə səbəb olub. "Bakı"nın vitse-prezidenti Zeynal Məmmədov çempion heyətin üzvləri və məşqçi heyətini təbrik edib. Komandanın baş məşqçisi Adnan Yazıçıoğlu, məşqçi Niyazi Rzayev, futbolçular Valeh Seyidov və Vüqar Namazəliyev bu əlamətdar gündə ürək sözlərini klub TV izləyiciləri ilə bölüşüblər.
Qeyd edək ki, qaliblərin rəsmi mükafatlandırma mərasimi may ayının 20-də baş tutacaq.
