3 may 2012 11:37
Millət vəkili futbolçularımızla görüş keçirdi (FOTOREPORTAJ)
AFFA-nın inzibati binasında millət vəkili, Milli Məclisin Beynəlxalq münasibətlər və parlamentlərarası əlaqələr komitəsinin sədr müavini, AŞPA- nın “Uşaqlara qarşı zorakılıqla mübarizə” kampaniyasının Azərbaycandakı parlament əlaqələndiricisi Sevinc Fətəliyeva və Milli Məclisin dəvəti ilə ölkəmizdə səfərdə olan almaniyalı psixoloq Qalina Heinzelmann U-17 UNICEF qızlar Liqasında çıxış edən BTİ, “Binə” və “Xəzər” komandalarının üzvləri ilə görüş keçiriblər. Q. Heinzelmann komandaların üzvləri ilə müxtəlif mövzularda söhbətlər aparıb, qadınların idmanla məşğul olmasını müsbət hal kimi qiymətləndirdiyini bildirib. Almaniyalı qonaq AFFA-nın qadın futbolunun inkişafı ilə bağlı gördüyü işləri yüksək dəyərləndirib, AFFA və UNICEF-in birgə təşkilatçılığı ilə qızlardan ibarət komandalar üçün “Sağlam həyat tərzi və uşaq haqları” mövzusunda keçirilən treninqləri faydalı hesab etdiyini deyib.
