4 may 2012 00:18
Millimizin forvardının qolu ən yaxşı seçildi (VİDEO)
Futbol üzrə Azərbaycan yığmasının hücumçusu Vüqar Əsgərovun vurduğu qol Latviya çempionatında 8-ci turun ən yaxşısı seçilib. Azerisport.az xəbər verir ki, o, ölkə çempionatının “Dauqava” (Riqa) ilə səfər oyununun 86-cı dəqiqəsində baxımlı qola imza atıb.
Belə ki, 69-cu dəqiqədən etibarən meydana çıxan Əsgərov sona 4 dəqiqə qalmış təxminən 30 metrdən vurduğu qolla komandasının üstünlüyünü daha da artırıb və görüşün yekun nəticəsini müəyyənləşdirib – 3:1.
Qeyd edək ki, bu, Vüqarın cari mövsümdə vurduğu ilk qol idi. O, “siftə”sindən dərhal sonra sarı vərəqə ilə də cəzalanıb. Mövsümdəki ikinci sarı vərəqəsi Əsgərova qolunu formasını çıxarmaqla bayram etməsinə görə göstərilib.
“Metallurg”un hazırda 7 oyundan sonra 13 xalla turnir cədvəlinin 5-ci pilləsində qərarlaşdığını və ehtiyatda bir oyununun olduğunu da qeyd edək.
