Sergey Yuranın yeni klubu bəlli oldu

Zaqatalanın “Simurq” klubunun sabiq baş məşqçisi Sergey Yuran özünə yeni iş yeri tapıb. Azerisport.az xəbər verir ki, rusiyalı mütəxəssis birinci dəstədə yarışan “Sibir” klubuyla müqavilə imzalamaq üzrədi.

 

O, bu haqda məlumatı özü də təsdiqləyib. Belə ki, Yuran bunun üçün mayın 12-də Novosibirsk şəhərinə yola düşəcək.

 

Qeyd edək ki, "Sibir" klubunun rəsmi saytı da bu gün məlumat yayaraq Yuranın komandanın baş məşqçi vəzifəsinə təsdiq olunduğunu açıqlayıb.