7 may 2012 15:24
Azərbaycan çempionu üçün Slask
Futbol üzrə Polşa çempionatında 2011/12 mövsümünün qalibi müəyyənləşib. Azerisport.az xəbər verir ki, dünən keçirilən son turun oyunlarından sonra “Slask” ölkə çempionu adını qazanıb.
“Slask” son turda səfərdə “Wisla”nı 1:0 hesabı ilə yenib. İkinci pillədəki “Rux” isə evdə “Legia”nı 2:1 hesabı ilə yenib. 1 xallıq fərqi qoruyan “Slask” çempion adına yiyələnib.
Bu “Slask”ın tarixində ikinci çempionluğu olub. Sonuncu dəfə 1977-ci ildə bu titulu qazanan komanda 35 ildən sonra eyni uğura imza atıb.
Qeyd edək ki, Polşa çempionu Çempionlar Liqasında “Neftçi”nin, bu ölkənin Avroliqaya vəsiqə qazanan komandaları isə bu turnirdəki klublarımızın potensial rəqibləridi.
