7 may 2012 16:30
Beşiktaşlı futbolçudan özbaşınalıq
Futbol üzrə Türkiyə Super Liqasının final mərhələsi çərçivəsində ötən gün keçirilən "Galatasaray" - "Beşiktaş" matçında maraqlı hadisə baş verib. Azerisport.az xəbər verir ki, görüşün ilk yarısının ardından "qara-qartallar"ın çalışdırıcısı Tayfur Havutçu tərəfindən Holosko ilə əvəzlənən Simao heç kimə xəbər etmədən, taksiyə oturaraq evinə gedib.
Portuqaliyalı futbolçu zəif çıxış etməsinə baxmayaraq, bununla baş məşqçiyə əvəzlənməsinə görə etirazını bildirmək istəyib. Amma o, evinə getsə də, matç başa çatan kimi yenidən “Türk Telekom Arena”ya qayıtmaq məcburiyyətində qalıb. Çünki görüşdən sonra dopinq test götürmək üçün püşk atılıb ki, həmin püşkə “Beşiktaş”dan məhz Simaonun adı çıxıb. Lakin futbolçunun arenada olmadığını görən "Beşiktaş" rəhbərliyi məhz bu zaman vəziyyəti anlayıblar və Simaoya zəng vuraraq təcili şəkildə onu geri qaytarıblar.
