7 may 2012 19:40
XL-dan etiraz: qol qaydalar çərçivəsində vurulub (VİDEO)
Premyer Liqanın 31-ci turu çərçivəsində baş tutmuş "Xəzər Lənkəran" - "Qəbələ" oyunu matçın yekun nəticəsinə təsir edən kobud hakim səhvi ilə yadda qalıb. Azerisport.az xəbər verir ki, bu iddia ilə cənub klubu çıxış edib.
Lənkəran klubunun yaydığı bəyanatda bildirilir: “Oyunun 1-ci hissəsində "Xəzər Lənkəran"ın yerinə yetirdiyi cərimə zərbəsindən sonra Rikardo Qomeş topu qapıdan keçirsə də, yan xətt hakimi futbolçunun oyundankənar vəziyyətdə olduğunu bildirdi və baş hakimin Rəhim Həsənov qolu hesaba almadı. Lakin, epizodun videotəkrarından aşkar görünür ki, top Qomeşə çatana qədər futbolçu rəqib müdafiəçilərindən geridə qərarlaşmışdı və hətta əgər cərimə meydançasında olan "Xəzər Lənkəran" futbolçularından topa toxunubsa belə, Qomeş yenə də oyundankənar vəziyyətdə ola bilməzdi.
"Xəzər Lənkəran" Futbol Klubu oyundan dərhal sonra AFFA İntizam Komitəsinə və Peşəkar Futbol Liqasına epizodla bağlı şikayət məktubu göndərib, məsələnin araşdırılmasını və müvafiq ölçülərin götürülməsini xahiş edib”.
