9 may 2012 01:39
Bundesliqada ən çox gəlir əldə edən klublar açıqlandı
Almaniya Bundesliqasında bu mövsüm ən çox pul qazanan klubların siyahısı açıqlanıb. Azerisport.az xəbər verir ki, bu ölkənin ən populyar klubu olan "Bayern" bütün rəqiblərindən daha çox gəlir əldə etməklə birinci olub.
Münhen təmsilçisinin geridə qalan mövsümdəki gəlirləri 30 milyon 935 min avro təşkil edir. İkinci mövsümdü ard-arda çempion olan Dortmund "Borussia"sı isə 28 milyon 111 min avro ilə ikinci pillədə qərarlaşıb.
Bundesliqanın 18 klubu teleyayım gəlirindən 378 milyon avro qazanıb ki, həmin bu pulda klublar arasında bölünüb. Bundesliqada qalmağı bacara bilməyən "Kayserslautern" və "Cologne" müvafiq olaraq 14 milyon 996 min avro, 16 milyon 47 min avro qazanıbsa, ən az gəliri 14 milyon 983 min avro ilə "Hertha" və 13 milyon 523 min avro ilə "Augsburg" əldə edib.
