9 may 2012 02:11
Bülənt Qorxmaz yenə klubsuz qaldı
Türkiyənin "Karabükspor" klubu baş məşqçi Bülənt Qorxmazla yollarını ayrılıb. Azerisport.az xəbər verir ki, bu barədə klubun rəsmi saytı açıqlama yayıb.
Açıqlamada bildirilir ki, Bülənt Qorxmazla klubun idarə heyəti arasında görüş keçirilib. Gənc mütəxəssislə qarşı tərəfin apardığı danışıqlar nəticəsində yeni müqavilə barədə razılıq əldə olunmayıb. Bu üzdən də Qorxmazla işbirliyinə son verilib, göstərdiyi xidmətə görə ona təşəkkür edilib.
Qeyd edək ki, Super Liqanın 10-cu turunda "Karabükspor"un baş məşqçi postuna gətirilən Qorxmazın komandası çempionatı 44 xalla 12-ci pillədə bitirmişdi. Onun karyerasını harda davam etdirəcəyi isə hələlik bilinmir.
Maraq üçün xatırladaq ki, Bülənt Qorxmaz 2009-2010 mövsümündə “Bakı”nın sükanı arxasında çalışırdı.
