10 may 2012 13:31
Falkaoliqada cari mövsümün ən məhsuldar oyunçuları
Radamel Falkao ardıcıl iki ildi Avropa Liqasının finalının qəhrəmanına çevirilir. Azerisport.az xəbər verir ki, kolumbiyalı futbolçu 2011 və 2012-ci illərdə sözügedən turnirin qalibi olur.
Ötən il “Porto”nun formasını geyinən 26 yaşlı hücumçu finalda Portuqaliyanın başqa bir klubu – “Braga” ilə qarşılaşmışdı. Onun 44-cü dəqiqədə vurduğu qol “Porto”nu çempion etmişdi.
Bu il isə o, “Atletico” ilə finala çıxıb. “Athletic” üzərində 3:0 hesablı qələbə ilə yekunlaşan oyunun 7-ci dəqiqəsində hesabı açan kolumbiyalı 34-cü dəqiqədə fərqi 2:0-a çatdırıb.
Falkao ötən il Avroliqada 17, bu il 12 qol vurmaqla ən yaxşı bombardir adını qazanıb. Bu üzdən də sözügedən turniri artıq “Falkaoliqa” adlandırmaq da olar.
Artıq Avropa Liqasının ən məhsuldar oyunçuları da məlumdu. Qeyd etdiyimiz kimi, final oyununun qəhrəmanına çevirilən Radamel Falkao turnirin bombardiri olub. O, cari mövsümdə meydanda olduğu 1220 dəqiqədə 12 qola imza atıb. Falkaonu Klaas-Yan Huntelaar izləyir. “Schalke”nin hollandiyalı futbolçusu 945 dəqiqə ərzində 10 qola imza atıb. “Atletico”dan Adrian Lopes isə oynadığı 946 dəqiqədə 8 dəfə rəqib qapıçıları məyus edə bilib.
Ən çox məhsuldar ötürmə edən futbolçu da “Atletico”nun foomasını geyinir. Belə ki, Madrid klubundan braziliyalı Dieqo 859 dəqiqə ərzində 6 dəfə qol ötürməsi verib. Türkiyənin “Beşiktaş” klubundan portuqaliyalı Manuel Fernandes (720 dəqiqə) 5 dəfə məhsuldar ötürmə edə bilib. İlk üçlüyü “Metallist”dən argentinalı Joze Ernesto Sosa (886 dəqiqə) qapayır – 5 ötürmə.
Bombardirlər
1. Radamel Falkao (Atletico) – 12
2. Klaas-Yan Huntelaar (Schalke) – 10
3. Adrian Lopes (Atletico) – 8
4. Matias Suares (Anderlecht) – 7
5. Fernando Llorente (Athletic) – 7
6. Dmitri Siçev (Lokomotiv M) – 6
7. Rikki van Volfsvinkel (Sporting) – 6
Məhsuldar ötürmələr
1. Dieqo (Atletico) – 6
2. Manuel Fernandes (Beşiktaş) – 5
3. Joze Ernesto Sosa (Metallist) – 5
4. Giorgos Georgiadis (PAOK) – 4
5. Ola Con (Twente) – 4
6. Dries Mertens (PSV) – 4
7. Dieqo Kapel (Sporting) – 4
8. Kleyton (Metallist) – 4
