10 may 2012 14:14
Türkiyə futbolunda ilkə imza atıldı
UEFA Avropa Liqasının qalibi olan "Atletico"nun (Madrid, İspaniya) futbolçusu Arda Turan bu turnirin kubokunu qazanan ilk türk futbolçu kimi adını tarixə yazdırıb. Azerisport.az xəbər verir ki, ötən gün baş tutan final matçında “Athletic”in qapısına vurulan 3 cavabsız qoldan birinin ötürməsini də verən sabiq “Galatasaray”lı bununla qardaş ölkə futbolunda bir ilkə imza atıb.
Maraq üçün xatırladaq ki, əslində bu turniri indiyə qədər daha bir türk futbolçu qazana bilib. Belə ki, 2007/08 mövsümündə Rusiyanın "Zenit" klubunun heyətində Türkiyə millisinin digər üzvü Fatih Təkkə də qitənin ikinci dərəcəli turnirinin kubokunu başı üzərində qaldırmışdı. Lakin həmin vaxt bu turnir Avropa Liqası yox, UEFA Kuboku adlanırdı.
