10 may 2012 19:39
Qəbələ Şükürovla yollarını ayırdı
Futbol üzrə Azərbaycan yığmasının müdafiəçisi Mahir Şükürovla “Qəbələ” klubu yollarını ayırıb. Azerisport.az xəbər verir ki, təcrübəli futbolçu artıq bölgə klubunun oyunçusu sayılmır.
Qeyd edək ki, Mahirin “Qəbələ”dən ayrılması hələ bir müddət öncədən bəlli idi. Belə ki, bölgə təmsilçisinin kapitanının “Xəzər Lənkəran”a gedəcəyinə dair xəbərlər dolaşırdı. Bu azmış kimi Şükürov komandanın son məşqlərinə də qatılmırdı. Bu üzdən də mövsüm başa çatan kimi Mahirin komandadan gedəcəyi istisna deyildi. Lakin göründüyü kimi, klub rəhbərliyi komandada qalmaq istəməyən futbolçunu vaxtından öncə heyətdən kənarlaşdırıb.
Artıq Mahirin növbəti mövsümə başqa klubda başlayacağı dəqiqdi. Lakin onun konkret hansı klubla müqavilə imzalayacağı bəlli deyil.
