13 may 2012 18:30
Amit Quluzadə mövsümün son oyununda da iştirak etmədi (YENİLƏNİB)
Bu gün futbol üzrə Türkiyənin TFF birinci liqasında 34-cü turun oyunları keçirilib. Azerisport.az xəbər verir ki, millimizin yarımmüdafiəçisi Amit Quluzadənin çıxış etdiyi “Erciyesspor” da bu gün mövsümün son oyununa çıxıb.
Həmyerlimizin komandası səfərdə “Tavşanlı Linyitspor” ilə qarşılaşacaq. Son dövrlər uğursuz çıxışı ilə diqqət çəkən Kayseri klubu bu oyunda növbəti qələbəsini qazanmağı hədəfləsə də, darmadağın olub.
Son oyunlarda forma geyməyən Amitin bu dəfə hansı aqibəti yaşayacağı maraq doğururdu. Qeyri-məlum səbəblərdən baş məşqçi Kemalettin Şentürk mövsümün son matçında da futbolçumuzun adını ilk "18-liy"ə daxil etməyib.
Qeyd edək ki, Kayseri klubu mövsümü 34 oyuna topladığı 46 xalla 8-ci pillədə bitirib.
TFF birinci liqası
34-cü tur
13 may
Tavşanlı Linyitspor - Erciyesspor - 3:0
