11 may 2012 11:50
Premyer Liqa, 32-ci tur: Aslan Kərimovun proqnozu
Futbol üzrə Azərbaycan yığmasının sabiq kapitanı Aslan Kərimov Premyer Liqanın 32-ci turunun oyunları ərəfəsində azerisport.az saytı üçün proqnozlarını açıqlayıb.
İnter – Bakı
Əgər obyektiv yanaşsaq, “Bakı”nın şansları çox azdı. Bu oyun ərəfəsində onların heyətində 4 yeni itki var. Buna görə də hesab edirəm ki, “zolaqlılar” üçün bu rəqibə qarşı ciddi mübarizə aparmaq çətin olacaq. Çünki “Bakı”dan fərqli olaraq, “İnter” hələ avrokuboklara vəsiqəni təmin etməyib və bu üzdən qələbə qazanmaq üçün əlindən gələni edəcək. Hesab edirəm ki, bu oyunda məhz “bankirlər” qələbə qazanacaqlar.
Xəzər Lənkəran – Qarabağ
Bu oyunun nəticəsini öncədən proqnozlaşdırmaq çox çətindi. Bəli, əlbəttə ki, “Xəzər Lənkəran”a bu oyunda daha asan olacaq. Çünki görüş onlara doğma olan Lənkəran şəhər stadionunda, öz azarkeşləri qarşısında baş tutacaq. “Xəzər Lənkəran” güclü komandadı və qələbə qazanmaq şansları yüksəkdi. Amma “Qarabağ”ın da şansı var. Əgər uşaqlar toparlana bilsələr, hər şey alına bilər. Bütövlükdə şanslar əllinin əlliyədi. Mən heç-heçə olacağını fikirləşirəm.
Neftçi – Qəbələ
Yəqin ki, “Neftçi” bu oyuna eksperimental heyətlə çıxacaq, gənclərə üstünlük verəcək. Çünki bu komanda vaxtından öncə çempionluğunu təmin edib və heç bir hədəfi qalmayıb. Prinsipcə, eyni sözləri “Qəbələ”yə də aid etmək olar. Bu görüş onlar üçün də heç nəyi dəyişmir. Sadəcə, onların qələbə istəyi daha çox ola bilər. Elə buna görə də, “Qəbələ”nin yeni çempionu məğlub edəcəyini proqnozlaşdırıram.
Yəqin ki, “Neftçi” bu oyuna eksperimental heyətlə çıxacaq, gənclərə üstünlük verəcək. Çünki bu komanda vaxtından öncə çempionluğunu təmin edib və heç bir hədəfi qalmayıb. Prinsipcə, eyni sözləri “Qəbələ”yə də aid etmək olar. Bu görüş onlar üçün də heç nəyi dəyişmir. Sadəcə, onların qələbə istəyi daha çox ola bilər. Elə buna görə də, “Qəbələ”nin yeni çempionu məğlub edəcəyini proqnozlaşdırıram.
Rəvan – Sumqayıt
Hesab edirəm ki, “Sumqayıt” qələbəyə daha çox yaxındı. Ona görə ki, “Rəvan”a 3 xal ən azı rəqiblə müqayisədə o qədər də vacib lazım deyil. Amma sumqayıtlılar üçün bu, son pillədən qurtulmaq baxımından çox əhəmiyyətlidi. Əlbəttə, qonaqların qələbə şansları o qədər də çox deyil. Amma yenə də onların qalib gələcəyini düşünürəm.
Kəpəz – Simurq
“Kəpəz” “Simurq”dan güclüdü. Oyun da Gəncədə keçiriləcək. Orda meydan sahibləri həmişə yaxşı oyun sərgiləyirlər. Ona görə də “Kəpəz”in qələbəsini seçirəm.
AZAL – Turan
Burda da qalibi müəyyənləşdirmək çətindi. Əlbəttə, heyətinə, oyunçularının səviyyəsinə görə AZAL “Turan”dan daha güclü görünür. Amma tovuzluların da döyüşkən komandası var və hər oyunda sona kimi mübarizə aparmağı xoşlayırlar. Bunu onların son oyunlarına baxdıqda da görmək olur. Odu ki, bu oyunda da heç-heçə olacağını fikirləşirəm.
