12 may 2012 17:58
Azərbaycan yığmasının rəqibi AÇ-2012 üçün heyətini açıqladı
Futbol üzrə Portuqaliya milli komandasının AÇ-2012 üçün heyəti açıqlanıb. Azerisport.az xəbər verir ki, baş məşqçi Paulu Bento birbaşa 23 nəfərlik heyəti müəyyənləşdirib.
Baş məşqçi yığmaya ən çox Portuqaliyanın “Porto”, Türkiyənin “Beşiktaş” və İspaniyanın “Real” klublarından oyunçu çağırıb. Bu klubların hərəsindən 3 oyunçu Avropa çempionatına aparılacaq. Yığmada ən çox oyunçu ilə İspaniya La Liqası təmsil olunacaq. Bu ölkədən 8 futboçuya dəvət göndərilib. Portuqaliya çempionatından 7 oyunçu seçən Paulu Bento Türkiyədən 3 nəfərə üstünlük verib.
Qeyd edək ki, Portuqaliya DÇ-2014-ün seçmə mərhələsində millimizin rəqibidi.
Qapıçılar: Beto (ÇFR, Rumıniya), Eduardo (Benfika), Rui Patrisio (Sportinq).
Müdafiəçilər: Pepe, Fabio Koentrao (ikisi də “Real”, İspaniya), Bruno Alves (Zenit, Rusiya), Joao Pereyra (Sportinq), Nelson (Betis, İspaniya), Rikardo Koşta (Valensiya, İspanya), Rolando (Portu).
Yarımmüdafiəçilər: Karlos Martins (Qranada, İspaniya), Joao Moutinyo (Portu), Manuel Fernandes (Beşiktaş, Türkiyə), Migel Veloso (Ceona, İtaliya), Raul Meyreleş (Çelsi, İngiltərə), Ruben Mikael (Saraqosa, İspaniya).
Hücumçular: Rikardo Kuaresma, Hüqo Almeyda (ikisi də “Beşiktaş”, Türkiyə), Kristiano Ronaldo (Real, İspaniya), Helder Poştiqa (Saraqosa, İspaniya), Nani (Mançester Yunayted, İngiltərə), Nelson Oliveyra (Benfika), Silvestr Varela (Portu).
