12 may 2012 19:18
Bakının futbolçusu Rusiya və Belarusa qarşı
"Bakı"nın yarımmüdafiəçisi Deyvidas Çesnauski Litva milli komandasına çağırılıb. Azerisport.az xəbər verir ki, bu barədə paytaxt klubunun rəsmi saytı məlumat yayıb.
Məlumatda bildirilir ki, Litva Futbol Federasiyasından (LFF) "zolaqlılar"ın ünvanına daxil olan sənəddə Deyvidas Çesnauskinin 29 may - 8 iyun 2012-ci il tarixləri arasında Litva milli komandasına dəvət olunduğu bildirilir. Deyvidas Litva millisinin 29 may tarixində Rusiya yığmasına qarşı oyununda meydana çıxa bilər. Bu qarşılaşma İsveçrənin Nyon şəhərində baş tutacaq.
Ardından Litva yığması 1-3 iyun tarixlərində Estoniyada təşkil olunacaq "Baltic Cup" turnirində işturak edəcək. Təlim-məşq toplanışı 8 iyun tarixində Minskdə Belarus millisinə qarşı oyunla yekunlaşacaq.
Qeyd edək ki, Deyvidas Çesnauski 2001-ci ildən Litva millisinin şərəfini qoruyur. Bu günə qədər 47 dəfə milli forması geyən Deyvidas 4 qola imza atıb.
