12 may 2012 00:11
Sadıq Sadıqov: Qızıl dubl etmək istəyirik
“Neftçi”nin prezidenti Sadıq Sadıqov azerisport.az saytına müsahibəsində komandasının çempionluğundan danışıb, qarşıdan gələn “Bakı” ilə kubokun final matçına toxunub, Çempionlar Liqasındakı şanslarını dəyərləndirib.
- Geridə qalan mövsümü komandanız üçün necə dəyərləndirərdiz?
- Özünüz də gördüz ki, çempionat çox gərgin keçdi. Amma mövsümün sonuna 3 tur qalmış artıq qalib olacağımız bəlli idi. Xoşbəxtlikdən istəyimizə çatdıq, çempion olduq. İndi əsas hədəfimiz Azərbaycanı Çempionlar Liqasında layiqincə təmsil etməkdi.
- Özünüz də gördüz ki, çempionat çox gərgin keçdi. Amma mövsümün sonuna 3 tur qalmış artıq qalib olacağımız bəlli idi. Xoşbəxtlikdən istəyimizə çatdıq, çempion olduq. İndi əsas hədəfimiz Azərbaycanı Çempionlar Liqasında layiqincə təmsil etməkdi.
- Çempionat bitsə də, qarşıda sizi “Bakı” ilə Azərbaycan kubokunun final oyunu da gözləyir...
- Biz final oyununa böyük ümidlər bəsləyirik. “Qızıl dubl” etmək istəyirik. Komanda final oyununa ciddi hazırlaşır. Əlbəttə, bu titulu kimin qazanacağını indidən söyləmək hələ çox tezdi. Qalibi oyun müəyyənləşdirəcək. Amma biz kubokda da qələbə qazanmaq istəyirik.
- Mövsümlərarası fasilədə transferlər etməyi planlaşdırırsız?
- Transferlər olacaq. Biz bu məsələni artıq bir neçə aydı müzakirə edirik. Hansısa transfer yekunlaşan kimi, təbii ki, bu haqda sizə də məlumat veriləcək.
- Transferlər olacaq. Biz bu məsələni artıq bir neçə aydı müzakirə edirik. Hansısa transfer yekunlaşan kimi, təbii ki, bu haqda sizə də məlumat veriləcək.
- Yəqin ki, forvard almağı planlaşdırırsız...
- Xeyr, bütün bu məsələlər məşqçilər korpusunun qərarından asılı olacaq. Bizə iki-üç mövqeyə futbolçu lazımdı. Hazırda bu yöndə axtarışlarımızı davam etdiririk. İlk növbədə yerli, gənc futbolçularla güclənməyə çalışırıq. Çünki Azərbaycan futbolunun gələcəyi onlarla bağlıdı.
- ÇL-in ötən mövsümündə “Neftçi” elə ilk cəhdində Zaqreb “Dinamo”suna məğlub olmuşdu. Bu dəfə yenə qarşınıza bu komanda çıxa bilər...
- Maliyyə imkanlarına, komandanın səviyyəsinə baxmayaraq, “Dinamo”nu keçilməz rəqib hesab etmirəm. Amma həmin vaxt Zaqrebdəki oyunda bizim qətiyyən bəxtimiz gətirmədi. Nəticədə də 3 cavabsız qolla uduzduq. 1 və ya 2 cavabsız qola da uduzsaydıq, onda mərhələ adlamaq şanslarımız daha çox olardı.
