14 may 2012 13:51
“Bizim hələ mövsümü titulla bitirmək şansımız qalır”
“Bakı”nın müdafiəçisi Denis İvanov azerisport.az saytına müsahibəsində qarşıdan gələn “Neftçi” ilə Azərbaycan kubokunun final matçından danışıb, avrokuboklardakı şanslarını dəyərləndirib.
- “Neftçi” ilə final oyunundan nə gözləyirsiz?
- “Neftçi” yaxşı komandadı. Onlar artıq çempionluqlarını rəsmiləşdiriblər. Qızıl medalları qazanmaları onlara əlavə stimul verib. Bizdə isə çempionatda heç nə alınmadı. Bəzi problemlər daha yaxşı oynamağımıza mane oldu. Amma hələ mövsümü titulla bitirmək şansımız qalır.
- “Neftçi” yaxşı komandadı. Onlar artıq çempionluqlarını rəsmiləşdiriblər. Qızıl medalları qazanmaları onlara əlavə stimul verib. Bizdə isə çempionatda heç nə alınmadı. Bəzi problemlər daha yaxşı oynamağımıza mane oldu. Amma hələ mövsümü titulla bitirmək şansımız qalır.
- “Bakı” “Neftçi”nin qızıl dubl etməsinə mane ola bilər?
- Şanslarımız bərabərdi. Hər iki komanda qələbə qazanmaq istəyir. Amma nəticədə nə olacağı mayın 17-də bilinəcək. “Bakı” təsadüfi kubok komandası hesab olunmur. Final oyunlarını adətən yaxşı keçiririk. Bu statistikanı “Neftçi”ylə oyunda da davam etdirmək istəyirik.
- Çempionatın son turunda “İnter”ə məğlubiyyətinizə nə səbəb oldu?
- Bizim sadəcə bəxtimiz gətirmədi. Onlar qol vurduqdan sonra yaxşı müdafiə olundular. Ola bilsin ki, bizim bütün fikirlərimiz kubokun finalına yönəldiyindən oyunumuz da alınmadı.
- Bu oyunda Novruz Əzimov daha çox ehtiyatda qalan futbolçulara şans vermişdi...
- Onların hamısı “Bakı”nın futbolçularıdı. Şəxsən mən heyəti əsas və ya ehtiyat oyunçulara bölmürəm. Əgər kimsə əsas heyətdə meydana çıxmayıbsa, bu, komandanın həmin oyunçudan imtina etməsi anlamına gəlməməlidi.
- Sizin “Qarabağ”a kömək etmək şansınız da var idi...
- “İnter”lə oyuna qələbə üçün çıxmışdıq. Amma bunu “Qarabağ” üçün yox, özümüzə görə qazanmaq istəyirdik. Enində-sonunda bizim ağdamlılara heç bir borcumuz yox idi.
- “Bakı” avrokuboklara hazırdı?
- Bəs siz düşünürsüz ki, bizim o dərəcədə gücümüz yoxdu?
- Biz hesab edirik ki, komandada əksər futbolçular ideal formadan uzaqdılar...
- Bəs siz düşünürsüz ki, bizim o dərəcədə gücümüz yoxdu?
- Biz hesab edirik ki, komandada əksər futbolçular ideal formadan uzaqdılar...
- Uğurlu çıxış etmək üçün əlimizdən gələni edəcəyik. Sizin bu sualınıza Avropa Liqasındakı çıxışımızdan sonra cavab verəcəyəm.
