14 may 2012 16:10
Turanla Neftçala pley-off oyununda qarşılaşası olmadı
Məlum olduğu kimi, futbol üzrə Azərbaycan Premyer Liqası və birinci divizionunun reqlamentinə əsasən başa çatan mövsümdə elitanın 11-ci yeri tutmuş təmsilçisi ilə aşağı liqanın gümüş mükafatçısı arasında pley-off oyunları keçirilməliydi. Azerisport.az xəbər verir ki, həmin cütün qalibi Premyer Liqada çıxış etmək şansı qazanacaqdı.
Lakin həmin oyun baş tutmayacaq. Belə ki, mövsümü 11-ci pillədə bitirən “Turan” birinci divizionun gümüş mükafatçısı “Neftçala” ilə qarşılaşmaqdan yaxa qurtarıb.
Buna səbəb isə AFFA-nın Lisenziyalaşdırma Komitəsinin “Neftçala”ya elitada çıxış etməyə razılıq verməməsidi. Belə ki, lisenziyası olmadığından Premyer Liqada çıxış etməkdən məhrum olan Neftçala klubu pley-off oyunlarına çıxmağı da lazım bilmir. Belədə, “Turan”ın elitada qalacağı artıq dəqiqdi.
