15 may 2012 17:16
AƏFM-nin regional konfransı keçirilib
Tiflis şəhərində Açıq Əyləncəli Futbol Məktəblərinin regional konfransı keçirilib. Azerisport.az xəbər verir ki, konfransın əsas proqramı «Uşaq hüquq pozuntularının qarşısının alınması və onun profilaktikası» idi.
Açıq Əyləncəli Futbol Məktəblərinin icraçı direktoru Anders Levinson (Danimarka), Xolbeke şəhərinin polis zabiti Lars Anders və Furesa şəhərinin bələdiyyə məsləhətçisi Çarli Livud Danimarkada bu məsələnin həlli istiqamətində görülən işlər haqqında məlumat verib.
Açıq Əyləncəli Futbol Məktəblərinin əsas vəzifəsi bu proqramı məktəblərə təqdim etmək və uşaqları küçənin lazımsız təsirindən yayındırmaqdır. İyunun 8-dən 12-nə qədər Tbilisi şəhərində təlimatçıların və bu il açılıcaq məktəblərin rəhbərlərinin beynəlxalq seminarı keçiriləcək və bu konfransda qaldırılan mövzular əsasında məktəblərdə tədbiq ediləcək fəaliyyət proqramı hazırlanacaq. İştirakçı ölkələrin təqdim etdiyi ən yaxşı təkliflər əsasında ümumi proqram hazırlanacaq. Avqustda Açıq Əyləncəli Futbol Məktəblərinin məşqçilərinin seminarında bu mövzu ətrafında məşğələlər keçiriləcək. Məktəblərin avqust ayında keçiriləcək fəaliyyətində həmin proqram tədbiq olunacaq.
