15 may 2012 00:38
Məşhur hücumçu futboldan getdi
Hollandiya milli komandasının sabiq futbolçusu Rud van Nistelroy karyerasını başa vurub. Azerisport.az xəbər verir ki, 35 yaşlı hücumçu İspaniya “Malaga”sı ilə müqaviləsini uzatmamağı qərara alıb.
O, yaşıl meydanlara başıuca əlvida deyib. Van Nistelroyun sonuncu komandası 4-cü yerin sahibi kimi Çempionlar Liqasına vəsiqə qazanıb.
Qeyd edək ki, Rud van Nistelroy karyerasına başladığı Hollandiya “Herenven”indən 1998-ci ildə PSV-yə keçib. Bu komanda ilə 2 dəfə ölkə çempionu olduqdan sonra o, 2001-ci ildə İngiltərə “Manchester United”inə transfer olub. “Qırmızı şeytanlar”la 2003-cü ildə çempionluq sevinci yaşayan məşhur hücumçu 2006-cı ildə İspaniya “Real”ına üz tutub. “Kral klubu” ilə də 2006 və 2007-ci illərdə çempion olduqdan sonra o, 2010-cu ildə Almaniya “Hamburg”una, 2011-ci ildə İspaniya “Malaga”sına keçib.
Van Nistelroy klub səviyyəsində 347 oyuna 588 qol vurub. 2003-cü ildə İngiltərə, 2007-ci ildə İspaniya, 2001-2002, 2002-2003, 2004-2005-ci il mövsümlərində Çempionlar Liqasının bombardiri olub. O, həmçinin Hollandiya yığmasının heyətində 2004-cü il Avropa çempionatının bürünc medalını qazanıb.
