21 may 2012 18:20
Xəzər Lənkəran yeni transferinə görə 550 min avro tərləyəcək
Xəbər verdiyimiz kimi, “Xəzər Lənkəran” keçmiş futbolçusu Manuel Adrian Skatlatakeni geri qaytarır. Azerisport.az xəbər verir ki, artıq bu məqsəldə cənub təmsilçisinin baş məşqçisi Yunis Hüseynov Rumıniyaya da getmişdi.
O, Skarlatakenin müqavilə ilə məxsus olduğu Buxarest “Dinamo”su ilə danışıqlar aparıb və razılıq əldə olunub. Skarlatake avrokuboklar öncəsi təlim-məşq toplanışından etibarən cənubluların düşərgəsinə qoşulacaq. Bu arada Rumıniya mətbuatı “ağ-yaşıllar”ın ona görə nə qədər xərcə düşdüyünü də yazıb. Belə ki, “Xəzər Lənkəran” sabiq-yeni futbolçusuna görə Buxarest təmsilçisinə 550 min avro ödəyəcək.
Qeyd edək ki, Skarlatake “ağ-yaşıllar”ın sabiq baş məşqçisi Mirça Rednikin dönəmində “Xəzər Lənkəran”a transfer olunmuşdu. Lakin icarə əsasında çıxış edən futbolçu cəmi 12 oyunda iştirak etdikdən sonra “Dinamo”ya qayıtmışdı. 1986-cı il təvəllüdlü futbolçu müdafiəçi olmasına rəğmən, cənub klubunda bir qol da vurmağa imkan tapmışdı.
