21 may 2012 19:05
İnterdə mövsümün ən faydalı oyunçusu müəyyənləşdi
Başa çatmış Premyer Liqada “İnter”in heyətində ən çox məhsuldar ötürmə vermiş futbolçusu müəyyənləşib. Azerisport.az xəbər verir ki, komandanın ən yaxşı assistenti aktivinə 5 qol ötürməsi yaza bilmiş bolqar yarımmüdafiəçisi Petar Zlatinovdu.
O, 4 dəfə son dəqiq ötürmə ilə yadda qalıb və 1 dəfə “İnter” üçün reallaşdırılmış penalti qazanıb. Maraqlıdı ki, P.Zlatinov ötürmələrdən 3-ü künc zərbəsindən reallaşdırıb.
Daha 4 məhsuldar ötürməni aktivinə Asif Məmmədov yazıb. O, 3 dəfə son dəqiq ötürmə ilə fərqlənib və 1 dəfə “İnter” üçün reallaşdırılmış penalti qazanıb.
3 dəqiq ötürmə ilə Nizami Hacıyev, Baçana Tsxadadze, İlia Kandelaki və Girt Karlson fərqlənib. Məhsuldar ötürmə ilə 1 dəfə Asif Mirili, Elnur Abdulov, Enyo Krastovçev, Valeri Abramidze, Vladimir Levin, Samir Zərgərov və Bronislav Çervenka da yadda qalıb.
Qol+ötürmə sistemi üzrə ən yaxşı göstərici 10 balla Baçana Tsxadadzeyə məxsusdu (7 qol+3 ötürmə). İkinci yeri 8 balla Nizami Hacıyev (5+3) tutur. Sonra 5 balla İlia Kandelaki (2+3), Petar Zlatinov (0+5), 4 balla Asif Mamedov (0+4), 3 balla Samir Zərgərov (2+1), Vladimir Levin (2+1), İbrahima Niasse (3+0) və Girt Karlson (0+3) gəlir.
