24 may 2012 18:45
Kəpəz əsas hücumçusu ilə müqaviləni yeniləyib, iddialı komanda formalaşdırmağa qərar verdi
Yuri Fomenko daha bir il "Kəpəz" futbol klubunun uğurları üçün mübarizə aparacaq. Azerisport.az xəbər verir ki, artıq ukraynalı futbolçu ilə müqavilə imzalanıb. Bu barədə klubun mətbuat xidməti məlumat yayıb.
Dünən Bakıda sponsorlarla görüşən klubun prezidenti Elmir Əliyev bu gün klubdaxili iclas keçirib. Toplantıda gələcək planlar müzakirə edilib. İclasda vurğulanıb ki, növbəti mövsümdə daha iddialı bir komanda formalaşdırmaq nəzərdə tutulur. Komandanın əsas sütununu təşkil edən futbolçularla müqavilələrin yeniləcəyi, gənc futbolçularla yanaşı həm yerli, həm də təcrübəli legioner oyunçuların dəvət olunacağı xüsusi qeyd edilib.
Yığıncaqda o da vurğulanıb ki, yaxın vaxtlarda "Kəpəz"in təlim-məşq toplanışının keçiriləcəyi məkan və komanda ilə yolları ayrılacaq futbolçular barədə qərar qəbul olunacaq. Komanda iyun ayının 15-20-də bir araya gələcək.
