25 may 2012 13:41
Slavço Georgiyevski də rəsmən İnterdə!
Premyer Liqanın bürünc mükafatçısı, ölkəmizi Avropa Liqasında təmsil edəcək "İnter" komandası heyətini gücləndirməkdə davam edir. Azerisport.az xəbər verir ki, bu günlərdə gürcüstanlı futbolçu yarımmüdafiəçi Georgi Adamiyanı sıralarına qatan komanda daha bir oyunçu ilə müqavilə imzalayıb.
Söhbət Slavço Georgiyevskidən gedir. Makedoniyalı yarımmüdafiəçi növbəti bir il ərzində "İnter"in şərəfini qoruyacaq.
Qeyd edək ki, “Neftçi” ilə iki dəfə ardıcıl Azərbaycan çempionu adını qazanan makedoniyalı dayaq yarımmüdafiəçisi bir müddət öncə “ağ-qaralar”ın heyətindən kənarlaşdırılmışdı.
"İnter" bundan başqa "Sumqayıt"dan Ramil Həşimzadənin keçidi ilə bağlı razılıq əldə edib və "Simurq"da icarədə olan Rüstəm Abbasovu geri qaytarıb.
