25 may 2012 14:03
Xəzər Lənkəranın yay hazırlıq planları məlum oldu
“Xəzər Lənkəran” klubu mayın 29-da toplanacaq. Klubun mətbuat xidmətindən verilən məlumata görə, yay təlim-məşq toplanışını Avstriyada keçirəcək komanda iyunun 1-dən bu ölkəyə səfər edəcək.
Azerisport.az xəbər verir ki, komandanın Avstriyada bir aya yaxın toplanışda olacağı gözlənilir. Toplanışın dəqiq müddəti “Xəzər Lənkəran”ın Avroliqanın ilkin təsnifat mərhələsində ilk oyununu evdə və yaxud səfərdə keçirməsindən asılı olacaq.
Premyer Liqanın gümüş mükafatçısı hazırlıq dövründə 4-5 yoxlama oyununda qüvvəsini sınayacaq. (PFL)
